Zubi naturalak: mugaz haraindiko ituna, korridore ekologikoen alde
COréCo proiektuaren helburua da gazteak eta, oro har, publikoa sentsibilizatzea, heztea eta mugiaraztea biodibertsitatearen eta ekosistemen babesaren inguruan. Naturaguneak babestearen eta haien balioa handitzearen logika baten barnean dago, zientzia-ezagutzak helaraztea, tokiko espezieak ezagutzea, bai faunarenak eta bai florarenak ere, eta gizakiaren eta bere ingurunearen arteko interakzioak ulertzea sustatuz.
Giltzarriak diren hainbat gairi heltzearen bidez –adibidez, mendi-eremuak, hezeguneak, espezie exotiko inbaditzaileak, nekazaritza eta abeltzaintza konbinatzen dituen jardunbidea (animaliak haziz laborantza-eremuetan) eta klima-aldaketaren ondorioak–, tokiko mailan erronka ekologikoei buruzko kontzientzia harrarazten laguntzen du proiektuak. Halaber, zientzialariek, hezitzaileek eta herritarrek ikaskuntza- eta ekintza-prozesu komun batean parte hartzea bultzatzen du, ezagutzaren, tokiko inplikazioaren eta ingurumen-sentsibilizazioaren arteko lotura indartuz.
Proiektuak, gainera, ekosistemen erresilientzian laguntzen du eta espezieak eta habitatak kontserbatzean aktiboki parte hartzen du, gizartearen eta bere natura-ingurunearen arteko harremana sendotuz.
COréCo proiektuak bi urteko iraupena du, 2027ko urria bitartekoa, eta % 65ean Europar Batasunak batera finantzatzen du, Espainia-Frantzia-Andorra Interreg VI-A programaren bidez (2021-2027 aldiko POCTEFA), zeinaren helburua baita Espainiaren, Frantziaren eta Andorraren arteko muga-eremuaren integrazio ekonomikoa eta soziala indartzea.
