Lurraren osasuna, neurri handi batean, gure ekintzen mende dago. Ama Lurraren Nazioarteko Egun honetan, inguruan dituzun ekosistemak esploratzen has zaitezela proposatu nahi dizugu. Gure ingurunea ezagutuz gero, nola zaindu eta errespetatu behar dugun jakiteko tresna gehiago edukiko dugu.
2009an, Nazio Batuen Batzar Nagusiak ebazpen bat hartu zuen, eta haren bidez apirilaren 22a Ama Lurraren Nazioarteko Egun izendatu zen. Ebazpen horretan, aitortzen da Lurra eta bertako ekosistemak gure etxea direla eta “naturarekin eta Lurrarekin adiskidetasunean bizitzea sustatu” beharra nabarmentzen da.
Lurra gizakion etxea da, baina baita beste espezie askorena ere, bizirik irauteko behar-beharrezkoak ditugunena, ekosistemak Lurreko biziaren oinarria baitira. Horregatik da hain garrantzitsua biodibertsitatea babestea eta zientzia-komunitateari laguntzea bere ikerketa- eta kontserbazio-lanetan. Pertsona askoren ekintza txikiek emaitza handi bat ekar dezakete!
Herritarren zientzia Ibai Parkean: 2022ko biomaratoia
Apirilaren 29a eta maiatzaren 2a artean, City Nature Challenge Biomaratoian parte har dezakezu eta inguruan duzun biodibertsitatea esploratu. Parte hartu nahi duzu? Ekitaldiari buruzko gure albistean eta gure sare sozialetan duzu informazio guztia. Anima zaitez esploratzera!